Zidd

Here is a beautiful creation by Parveen Shakir for all those who haven't gone through it before .......

Main kyoun Usko Phone Karoon
Uske Bhi To Ilm Main Hoga
Kal Shab
Mausam Ki Pehli Barish Thi

.....BHARAM TOOT GAYA

Sajaye Palkoun Pe Moti
Qatar Joon Jhilmil
Laboun Pe Harf-e-Shikayat
Ke Is Zamaney Ne
Bura Salook Kiya, Dil Ko Mere Tod Diya
Teri Gali, Tumharey Shehar Ka Rukh Kar Baitha
Ke Mere Dard Ka Darma.n Yahin Chhupa Hoga

Yahan Pe Aa Ke Bayan Ki Jo Dasta.n Main Ne
To Log Kehte Hain,
Tumhare Shehar Ke Log

Lahoo Ka Rang To Dekhain Jigar Se Jo Tapka
Ye Surkh Hai Ke Nahin?

Kuchh Aur Tez Karaho, Ke Kan Sun To Lain
Zara Yaqeen to Kar Lain ke Tum Tadaptey Ho

Hain Kitney Gehrey Zakhm Rooh Ne Jo Paye Hain
Zara Kured Ke Dekhain Wo Baat Hai ke Nahin

Tum Apney Sach Ko Zara Katghare Main Le Aao
Daleel De Ke Mutasir Karo To Sochainge
Wagarna
Yahan Daleel Ke Mahir Bohut Se Natiq Hain
Jo Cheekh Cheekh Ke Munh Main Zuban Rakhtey Hain
Inhain Harao To Haq Ho Nahi To Batil Ho

Tumharey Shehar Ke Logoun Ka Aur Reetoun Ka
Ye Rukh Jo Samney Aaya
To Bharam Toot Gaya